Abstrakt:

Ushbu maqolada boshlang‘ich ta’limda tarbiya fanini o‘qitishda interfaol texnologiyalardan foydalanish metodologiyasi yoritilgan. Interfaol metodlarning o‘quvchilar axloqiy va ijtimoiy rivojlanishiga ta’sirini aniqlash, o‘quvchilarning yosh xususiyatlarini hisobga olish, ularni to‘g‘ri tanlash, shu orqali ta’lim jarayonini yanada qiziqarli va samarali qilish, o‘quvchilarning faol ishtirokini ta’minlash, ularning mustaqil fikrlash va o‘zaro hamkorlik qilish qobiliyatlarini rivojlantirish usullari muhokama qilinadi. Shuningdek, o‘quvchilarning shaffof va haqqoniy o‘zlashtirish darajalarini belgilovchi baholash mezonlari ham ishlab chiqilgan.

Tavsif:

Hozirgi kunda har bir mamlakatda ta’lim-tarbiya sohasida samarali islohotlarni amalga oshirish zaruriyati mavjud. Ta’limdagi muammolar har qanday rivojlangan davlatlarda ham alohida e’tibor talab qilmoqda. Masalan, Finlandiya, Yaponiya, Singapur, Fransiya, Germaniya ta’limtarbiya nazariyasi muammolari bilan yuzlab davlat va xususiy tashkilotlar, Universitetlar va pedagogik tadqiqot markazlari shug‘ullanmoqdalar. Shu boisdan davlatimiz ta’lim tizimida bir qator islohotlar amalga oshirilyapti. Ulardan oqilona foydalanish shu yurtda yashaydigan jamiyat a’zolariga bog‘liqdir. Prezident Sh.Mirziyoyev “Yangi O‘zbekiston taraqqiyoti strategiyasi” asarida ta’kidlaganidek: Xalqimizda “Ta’lim va tarbiya – beshikdan boshlanadi”, degan hikmatli so‘z bor. Faqat ma’rifat insonni kamolga, jamiyatni taraqqiyotga yetaklaydi…

Yo‘nalish:

Yo‘nalish sohasi:

Ta’lim va tarbiya nazariyasi va metodikasi