Abstrakt:

Ushbu maqolada ta’lim muassasalarida fanlararo integratsiyani ta’minlashda zamonaviy texnologiyalarning roli va ahamiyati haqida so‘z boradi. Shuningdek, interfaol ta’lim platformalari (Moodle, OpenAI Classroom), interfaol doskalar, simulyatorlar, mobil qurilmalar va ilovalar, kengaytirilgan, virtual reallik (AR/VR) texnologiyalari kabi vositalardan fanlararo integratsiyani ta’minlashda samarali foydalanish yo‘llari tahlil qilinadi. Bundan tashqari, multimedia va axborot-kommunikatsiya texnologiyalari (video darslar, vebinarlar, onlayn loyihalar) hamda fanlararo integratsiya usullari (integratsiyalashgan o‘quv rejalari, loyihalar, muammoga asoslangan o‘qitish)ning o‘ziga xos xususiyatlari ko‘rib chiqiladi. O‘quvchilarning faol ishtirokini ta’minlash, bilimlarni yanada chuqurroq o‘zlashtirish va o‘quv jarayonini zamonaviylashtirishga qaratilgan ilmiy-metodik tavsiyalar ishlab chiqilgan.

Tavsif:

Jahon maydonidagi ijtimoiy islohotlar ilmiy-texnik taraqqiyot, ta’lim, fan va ishlab chiqarish sohalari hamda ta’lim mazmuniga innovatsion va integrativ yondashuvlarni tatbiq etish bilan ifodalanadi. Ayniqsa, ta’lim innovatsiyasi va integratsiyasi masalalari bo‘yicha European University Institute, Max Plank Institute, Harvard Law School, European Integration (ECSA-Austria), ARENA (Oslo), Mannheim Centre for European Social Research kabi tadqiqot markazlarining ilmiy natijalari alohida o‘rin tutadi. Ta’lim dasturlarining sifat jihatdan yangilanish sharoitida yoshlarni kasbiy faoliyatga tayyorlashning pedagogik shart-sharoitlarini joriy etish fanlar integratsiyasini ta’minlash orqali o‘qitishning interfaol metodlaridan samarali foydalanishga xizmat qiladi.

Yo‘nalish:

Yo‘nalish sohasi:

Ta’limda menejment